我們專注於在全港提供
即日緊急上門治療
貓傳染性腹膜炎服務
我們瞭解這種疾病對您和您的貓咪造成的困擾和壓力，並且我們致力於提供最優質的醫療服務，以確保您的貓咪的健康和幸福。
正式聲明
我們最近發現一個名為FIPV PRO的團隊近日成立，並涉嫌抄襲本團隊的網站，包括Logo、排版和內容等方面均有九成相似度。
因此，本團隊特此發表以下正式聲明：
FIP Pro團隊是全港首家提供即日上門治療服務的網站，官方網址為www.hk441.com，官方聯絡電話為91203229。除非通過上述官方渠道聯繫本團隊，否則任何其他網站救援上的失誤與本團隊無關。
FIP Pro團隊是全港首家自費將藥物送往第三方檢測機構檢測的團隊，並提供相關檢測報告，所採用的藥物絕對安全有效。
本團隊採用第三代高濃度針劑FIP Pro和FIP Pro +，這是全港獨有的產品，禁止任何抄襲行為。
本團隊提供完成84天療程後，一年內復發免費保障，且至今從未出現復發個案。而99.9%個案都是84天康復，只有一宗因貓隻驗血時因併發上呼吸道感染的情況，延長14天。延長費用由藥廠支付。
本團隊對所有抄襲行為表示鄙視，並促請相關網站盡快進行修正。一切因選用相似網站而導致的救援失誤或死亡與本團隊無關。
特此聲明！
FIP Pro HK
日期：2024年3月10日
專業治療團隊
擁有豐富經驗處理每一個個案。為你提供最合適的支援方案。
免費個案分析
以專業的角度，向家長提供免費的獨立個案分析，幫助家長了解貓隻的情況及支援細節。
經濟合理價格
我們明白費用是每個家長的考慮，因此以領先香港市場的價格，以最大程度減輕家長的負擔
獨家代理第三代高濃度針劑
市面上充斥很多低濃度針劑魚目混珠，FIP pro 採用100%高濃度針劑，最快二十四小時見效。
9成以上成功率
根據統計成功個案佔90%，餘下10%則是拖得太遲才開始療程。
我們擁有大量的真實家長的評語，最快一天有效果！
廠家包一年復發免費用藥
領先全港所有各大群組！
廠家為增加家長信心，特設完成療程一年內，復發免費用藥。
而根據過往經驗，我們從未出現復發個案。
了解貓傳染性腹膜炎（FIP）
什麼是貓傳染性腹膜炎？
貓傳染性腹膜炎（Feline Infectious Peritonitis，簡稱FIP）是一種嚴重的貓科動物疾病，由貓冠狀病毒（Feline Coronavirus）引起。這種病毒在許多貓身上普遍存在，但只有少數貓會發展成FIP。FIP主要影響免疫系統，導致全身多個器官的慢性發炎反應。
如果你懷疑你的貓貓感染FIP,
請立即聯絡我們, 以獲取專業意見。
我們團隊提供全面治療貓傳染性腹膜炎的專業知識，即日上門治療，擁有九成以上成功率，最快一天見效。
評語
哈比已經打完針兩星期。而家慢慢恢復得同以前差唔多，好彩當初揾到你幫手。如果唔係都唔知可以點樣自己走過嗰84日。辛苦晒你嚟足咁多日，過程除咗幫我哋打針之外仲講咗好多有關fip嘅知識比我哋聽，由第一日嘅好無助，好擔心，到到最後有信心哈比可以康復。謝謝你嘅幫忙令哈比可以繼續留係我哋身邊。
哈比主人
好感謝Oscar救翻我隻貓貓，佢真係幫咗好多，當初喺carousell見到都係抱着半信半疑嘅心態去問，到後尾Oscar好有耐心咁樣解釋返貓貓腹膜炎嘅情況，到後尾成功救返貓貓，同埋教我點樣去更加好咁樣照顧隻貓，Oscar真係好細心，辛苦佢每晚都咁遠跑過嚟幫貓貓打針，真係感激不盡
Ryan主人
我和先生要多謝Oscar ，在我和先生得知「花生」FIP ,最無助的時候Oscar 的出現,專業知識和經驗為「花生」帶來了巨大的幫助，Oscar 總是不辭辛勞地解答我們的問題，真的很感激Oscar 無私地分享知識和經驗! 此外，我們深深地感受到Oscar 的耐心和關懷寵物的心，無論我們遇到什麼問題，他會耐心地聆聽並給予我們建議，這讓我們有信心堅持下去。 最後，我和先生再次向Oscar表示最真摯的謝意。 祝 Oscar 事事順心！
花生主人
呢三個月嚟 真係好多謝Oscar每日風雨不改咁上嚟幫啤啤打針。如果無你 我諗啤啤都無辦法健健康康咁活喺呢個世界上啦
我仲記得當初第一日打俾你嘅時候 充滿咗慌張害怕嘅情緒 成個腦都係好怕貓貓有事 但好彩有你calm down我 好有耐性聽我講貓貓有咩事同睇報告 再冷靜去分析 然後guide住我地 話我地知要點做 even嗰時我唔喺香港 變咗要遙距溝通 Oscar都有好清晰咁交代我地要注意啲咩 連八號風球十號風球同黑雨都岀嚟,同我地arrange好點打針 真係好負責任！！(我地差啲以為要自己打)亦介紹咗唔少supplements去提高啤啤免疫力 等佢身體可以強壯啲,應付到FIP 喺打針嘅時候我地都有好多不足 你都會提我地下次可以點做好 instead of今次做得唔好 呢樣真係好好！令到我地冇咁大壓力。喺我地做得唔好 令到啤啤流血嘅時候 自己都會好自責 但聽到你咁講 會無咁focus喺錯誤度 而係從錯誤中學習 多謝Oscar咁有耐性耐心去同我哋一齊照顧好啤啤(仲記得第一次打針 我同爸爸都喊曬咁濟)另外Oscar都會為我地呢啲新手貓奴提供照顧小貼士 要注意嘅溫度 清潔 糧食etc 等佢更加健康,呢啲都係好感謝嘅地方～
話咁快就三個月了 對付咗呢個咁可怕嘅FIP 仲從瘦猛猛又孱弱嘅啤啤 成長到有肉又健康嘅啤啤 真係好感慨。多謝你呢段時間嘅付出
得閒就嚟探吓隻曳曳嘅肥仔啦‧
啤啤主人
84日終於完結！！！
一開始貓貓病佐 完全冇方向感唔知點算 你就係我唯一既救星 我都好好彩冇貨比三家之下 都遇到咁好既你哋。
當時打完第一日 就已經有好明顯既對比 本身貓貓唔肯食嘢無精打采訓係度叫極都唔應 第二日就肯落床行黎行去 第四日就會主動食嘢了。
第一日打針都好有耐心咁同我解釋返呢隻病既資訊 仲要幫我準備佐貓貓應該要用既營養品 等佢可以提升抵抗力。
因為佢本身唔食嘢 都教埋我點樣餵佢嘢食等佢有力氣打贏呢場「仗」。
之後全靠你晚晚都咁夜跑黎幫貓貓打針 次次打完針都會提我要幫貓貓按摩 以免有傷口潰爛既風險, 幫貓貓打針既手勢都係一級棒。
好仔細咁會消毒先對貓貓都好溫柔 打針個陣仲會係咁安慰貓貓 打完針又會同貓貓講對唔住 。作為家長見到幫貓貓打針既人咁愛貓都好安心。貓貓由第一次打好大反應到後面接受現實靜係叫兩下就冇嘢 , 依家痊癒佐好鬼百厭 跑黎跑去 同佢一開始既頹樣真係好大區別 見到佢健康活躍返真係要多謝你幫我救番佢條命仔。
本身體重1.95kg 依家 3.75kg 肥佐差唔多2倍 見到佢健康佐又可愛佐,我都開心曬,真係好多謝有你幫我救返我既貓仔。
依家貓貓好似知道唔洗打針都好開心係咁跳黎跳去
Rolex主人
好多謝你呀！呢84日你好細心照顧包包，亦都教咗我哋好多照顧佢嘅方法，真係好感謝您！
希望你唔好忘記初心，努力幫助多啲貓貓渡過難關，你要加油呀！真係好多謝你救咗包包，我哋都好開心包包健健康康 最後祝你同6隻貓貓都開開心心，平平安安！
From 包包黎氏一家
包包主人
感謝Oscar喺呢兩三個月的奔波，每晚都披星戴月趕嚟為Kumi打針。
由第一晚詳細為我們講解，釋懷我們的疑慮。
療程中途的加油。
最後去診所檢查的祝福。
都印記在我們和kumi 的生活。
感謝您的真誠和友善！
From Kumi 一家
KUMI主人
2023年聖誕前zimba開始唔食野 我地覺得唔對路 就打咗俾Oscar 開始打針 第日我哋再睇獸醫確診咗喺Fip 之後Oscar同Win Gor都好細心咁教我哋點樣照顧隻貓 而家終於捱過咗84日啦 呀仔由1.2kg重到去3.2kg 又打針唔會反抗去到而家好有力咁踢開我哋 好返晒 好彩有佢兩位嘅幫忙每一日上去我哋屋企幫佢打針 同埋教我哋點樣去按摩 多謝晒🫶🏻
zimba主人
茶茶在12月尾突然體重下降，冇咩精神。1月帶咗去睇醫生發現係乾性腹膜炎，仲要睇咗好貴。但係又醫唔好，最後係Facebook搵搵有關 441針藥治療方法。於是上網查找441 ，即時搵到Oscar的電話，並隨即打俾Oscar，佢解釋得好詳細，亦可以當晚過嚟打針。
打咗幾日之後，茶茶開始食多咗嘢同埋冇再屙爛屎。並且開始回復活躍。去到接近80幾日針嘅時候，查查已經幾乎康復晒，體重都上升左少少，雖然最後嗰幾日掙扎好大茶茶，搲損晒我隻手。
好多謝Oscar或 Win 連續84日幫手打針，仲要時不時都送幾罐罐頭俾我哋試吓食，同埋一開始冇買磅寵物嘅磅，搞到你哋要拎自己嗰個磅上嚟。茶茶驗血後，確定已康復，但係有少少其他病問題，仲有少少好似哮喘，但係腹膜炎就完全康復哂！感謝你哋！
茶茶主人
諗返第一日帶8仔睇醫生，佢嚴重黃疸肝腎指數好差，平時超活躍的頑皮仔突然變得無神無氣，醫生對FIP亦唔係好瞭解，我哋當時真係好徬徨。好幸運搵到你哋，當日好夜，零晨1點你哋都肯上嚟幫手，仲記得你哋評估完話8仔情況好差屬於末期，我當時個心好翳好擔心，佢肚仔又脹晒又開始唔食野，好擔心佢挨唔到落去。好好彩8仔對針藥反應好，5日就由全身黃疸變返正常，肯自己大口食嘢，兩個星期腹水亦退晒，開始活躍仲識追兩個家姐玩，到而家終於完成84日，變成比以前更頑皮更大膽的貓仔，真心好感激你哋每日不辭勞苦上嚟幫手打針，教我哋點樣幫8仔護理皮膚同要留意佢飲食排便，我覺得我哋好幸運，你哋日日上門打針，亦會瞭解到8仔的狀態，令8仔呢84針都打得好順利，我最開始時預計打針會遇到的問題，上網睇到好多貓貓打針的副作用，同打針時好大的反應，8仔基本都無出現。感謝你哋的專業同耐性，幫8仔渡過呢一個難關！你哋對FIP瞭解好多好專業，比好多獸醫都了解得多，對我哋一無所知的主人嚟講好能夠令我哋安心。
8仔主人
各位你好,我叫金金,4月10號 醫生確實我有F.I.P,媽媽聽到我 呢個消息完全不知所措,因為現 今呢個病係冇法可醫,幸運地 Vivian 姐姐網上搵到Oscar 哥 哥,佢有藥同即晚可以上門打 針,我真係實在太幸運,因為 Oscar 哥哥係非常細心同愛護貓 咪,佢每打一針都非常小心同用 心,所以我完成84針皮膚同毛髮 都冇受到傷害,我能夠戰勝病魔 實在非常感激Vivian姐姐, Oscar 哥哥同媽媽身邊朋友問候 同鼓勵,我地順利捱過呢一段日 子。 但願所有小朋友門可以找到一個 温暖的家,幸福快樂生活下去。
金金主人
我們的小白終於康復，約3個月前開開心心帶到我家但3星期後有一天牠不適連平日最愛玩的逗貓捧都無興趣玩立即帶去看獸醫檢查發現係腹膜炎FIP獸醫話診所醫吾到要找義工打腹膜炎針這支未經註冊所以全港診所無接種服務當時立即晴天霹靂，即時找看看有冇方法,最後在網上找到他，他非常專業解釋這個貓世紀病毒最壞情況和打針後的副作用這支針要打84日他立即幫我們安排非常感激他每天到我們家打針天天如是就算病倒或疲捲都堅持每天上門打針，他每次都小心翼翼為貓打針擔心弄痛他很愛錫貓咪,和不時了解健康狀況，真的非常非常感激他好彩認識到他，小白才回復健康。
小白主人
歷時84日嘅FIP抗疫戰，有Oscar 嘅全心全力嘅協助，藍妹終於康復喇！
當初見藍妹無嚟精神、唔願食嘢、唔清潔自己、個肚又脹、成日蹲喺地，覺得唔對路，帶完藍妹驗血就send report 比Oscar 睇，當晚佢就準備好藥物同需要嘅營養補充品過嚟，教我哋點去計算針藥嘅份量、日常飲食同營養安排等，令我哋有認知要點照顧FIP 貓。
Oscar 打針好注重衞生同安全，會消毒落針嘅皮膚、打完針會確保無漏藥再消毒，會按摩入針附近嘅位置，藍妹打晒咁多針都冇爛過肉！
藍妹唔係易打嘅貓，Oscar 每次都好有耐性、好溫柔對待藍妹，亦會轉位置落針，從而減輕藍妹對打針嘅緊張感。無論手速同手勢真係一流，冇為藍妹帶嚟不必要嘅痛楚～
因為我哋係第一次養貓，有好多唔熟識嘅地方，Oscar 都會耐心解答同示範。有Osacr嘅支援，令我哋照顧起藍妹都無咁徬徨。
感謝有Oscar幫忙，一個好嘅保姆，會令漫長嘅對抗FIP日子，過得好快、好安心。
藍妹主人
由心底裏感激你~
當最徬徨時遇到Oscar的幫助，實在是在絕望中現曙光！新手養貓的我們沒想過只養到4-5個月後會遇到FIP,由貓唔舒服至醫生講病情和開始面對，在醫治的整個過程裏都來得好突然使人難以消化，每一個決定都不容易，但幸運QQ遇到你！多謝你從不煩嫌和耐心的解釋什麼是FIP,我們將會面對的是什麼,應該怎樣做，在足足的84天裏雖然過得不容易，因為在短短3個月都經歷了8號10號風球和黑雨，縱使惡劣天氣，但你都仍風雨不改地用心為QQ打針，而最擔心的事是打針後的反應和QQ承受能力，每天經歷打針掙扎和痛苦, 但一天一天的過去…見到QQ精神起來，覺得好神奇和奇妙，幸運QQ現在康復了，最後一天的報告也令人鼓舞！
最難決定的是第一步，永遠都是主人遲疑打唔打，但這一步永遠就決定寵物的生死，越早面對和開始治療，都是救活生命的關鍵，幸好我地決定得快，早點開始治療，牠才能救得返😇，變得越嚟越精靈百厭！
QQ主人
開始時感到非常徬徨，幸好醫務診所建議我們網上找441藥物，再遇上Oscar細心解釋令我放心交託幫忙及照顧，經驗之談亦提供有用資訊，經時84天到農曆新年妹妹已完全康復戰勝病魔，非常感謝整個療程風雨不改為我們家妹妹打針，希望所有Fip貓貓以後都平安健康快樂
妹妹主人
三個月前， 一向好活潑嘅貝果突然成日訓教，冇乜精神，食慾又低左， 有日仲突然呼吸超級急速， 帶左佢去睇獸醫，冇唸過會被告知9成9是fip…
當時好傷心，好彩獸醫話宜家有得醫，但就要係出面搵藥買，打齊84針⋯
因為都有好多不同地方可以買藥，價錢都唔一樣， 第一次遇到咁嘅情況， 好彩遇到oscar , 一收到查詢就好熱心咁講解返, 睇左報告都叫我地唔洗膽心， 我地都比佢嘅熱心打動到，最後約左oscar黎即日落針，
Oscar打針好細心，會好仔細咁檢查針口以防漏針爛肉， 都會安撫作為主人嘅我地，打完針第二日已經有明顯改善，又肯主動食野，個心立即定左好多⋯
終於經過左84日，係驗血嘅日子！雖然貝果一早都回復返好百厭嘅狀態，但驗血出黎嘅結果指數都唔係話好靚，只係合格邊緣⋯
不過，醫生都有話可能係咁岩天氣變，有感冒令到指數唔靚，
Oscar都好好人，知道指數唔夠靚作為家長仲係會擔心，立即幫我向廠家爭取到免費2星期藥！ 比我地作保險打多2星期針無後顧之憂。
最後打多14日，終於係過年前都完曬針， 期間oscar 都好好，有keep住關心貝果嘅情況。
望住佢宜家生生猛猛，係屋企搞屎棍都好開心， 可以過個肥年
貝果主人
聖誕假期去咗外遊幾日，返屋企見到阿Dee肚仔太大，佢當時五個月大，以為佢放縱食嘢食到肚脹，過多兩日都仲係肚仔仲係脹脹，又成日瞓覺，覺得唔對路，帶佢睇醫生，醫生抽咗啲腹腔水，做咗快測，指出是腹膜炎，叫我們自己上網或者Facebook搵搵有關 441針藥治療方法。於是上網查找441 ，即時搵到Oscar的電話，並隨即打俾Oscar，佢解釋得好詳細，亦可以當晚過嚟打針。
打咗三日針之後，阿Dee個肚圍慢慢減細（即係藥力有效腹水慢慢減少），並且開始回復活躍，我哋都安心啲。
好多謝Oscar或 Win 連續84日晚上（不論除夕、元旦，年卅十晚、年初一…）都會上門幫手打針。阿Dee 驗血後，確定已康復。
阿DEE主人
超好！！！由一開頭我隻貓確診，首先就comfort我地情緒，然後即日就安排到上門打針
頭2星期因為隻貓情況唔係好穩定，你唔係香港基本上每日都問我佢當日咩情況
同埋由第一日開始，FIP貓要食咩supplement全部都準備曬，我地都唔係好需要操心啲咩🫶🏻
最緊要係啲藥有用！我地隻貓因為腸胃問題 其實針後2個星期後先明顯地好轉，唔洗20日都已經會跑會飛會打人，到依家完曬針，老虎都打死幾隻。
鄧不利多主人
